Asurnasirpal II describe os xardíns de palacio en Nimrud (883-859 a.C.)

 Reguei os prados do Tigris e plantei perto hortos con diversas árbores froiteiras. Plantei sementes e plantas que atopara nos países através dos cales marchara, e nas terras altas que atravesei: piñeiros de diferentes clases, cipreses e xuníperos de diferentes clases, amendoeiras, datileiras, ébano, buxo, oliveira, carballo, tamarisco, nogueira e terebinto, freixo, abeto, milgranda, pereira, marmelo, figueira e vide... a auga da canal cae ao xardín desde enriba; o arrecendo impregna os camiños, regatos tan numerosos como estrelas hai no ceo corren polo pracenteiro xardín. Coma un esquiu, recollo a froita no xardín das delicias...