Quen son estes rapaces e cando se fixeron as fotos? A fonte estonia non proporcionou información. Talvez sexan recrutas, o que ten sentido ao seren moi novos, e as fotos documentan o seu estado físico, como ocorría no exército e a mariña dos Estados Unidos.
As fotos probablemente datan de entre a Primeira e a Segunda Guerra Mundial, cando Estonia era un país independente. Nalgunhas das fotos, os rostros e as mans dos rapaces están escuras, quizais por seren mozos labregos, con cara e mans bronceadas, pero non me parece un bronceado. As caras e as mans parecen sucias, como o que se ve nos mineiros de carbón. Non hai minas de carbón en Estonia, pero si de esquisto bituminoso; ou tamén os mozos podían estar traballando nalgún outro oficio sucio.
