A estrutura da composicion é un pouco diferente das anteriores, xa que agora o río non aparece no centro da composición, senón que se desprazou cara á dereita, podendo tratarse dun lago polo que navegan pequenas embarcacións a vela; existen sen embargo elementos comúns que se repiten continuamente, como a grande árbore da esquerda.
Trátase dunha paisaxe rochosa que parece centroeuropea; en primeiro plano aparece un carro con dous homes tirado por unha parella de bois e ao lado unha parella constituída por un home e unha muller; en segundo plano encontrámonos cun palacio medieval cos seus tellados aguzados e as súas torres, e como pano de fondo unhas montañas rochosas.
María Quiroga Figueroa: A louza de Sargadelos (Colección do Museo Provincial de Lugo), p.104
Ningún comentario:
Publicar un comentario