Cada domingo de Pentecostés, arredor das doce da mañá, centos de curiosos se achegan ao Panteón de Agripa para contemplaren un dos espectáculos máis orixinais de Roma.
Tal e como marca a tradición, e aproximadamente durante cinco minutos, sete millóns de pétalas de rosas vermellas choven desde o óculo central do Panteón, como símbolo do descenso do Espírito Santo.
Son o símbolo das lapas coas que o Santo Espírito se manifestou aos discípulos, e que agora o corpo de bombeiros de Roma, tras gabear os 43,44 metros de altura que ten o templo para acadar o lucernario de 9 metros de diámetro, arroxará as pétalas ao interior.
Ao parecer, esta tradición podería ter a orixe na Idade Media, concretamente ao ano 609 d.C., cando o Panteón foi doado polo imperador ao Papa Bonifacio IV. Após varios séculos suspendida, a chuvia de rosas recuperouna o Concello de Roma en 1995, coa diferenza de que agora non ten lugar durante a cerimonia senón ao final dela.
Ningún comentario:
Publicar un comentario